الشاعر / خالد المريخي ظهر في نشرة أخبار تلفزيون الرأي الكويتية بعد انتشار خبر تنازله عن الجنسية الكويتية يقولالمريخي الجنسية الكويتية ليست صك غفران ولا تدخلني الجنة وأنا املك الجنسية السعودية ويقول من الأسباب التي جعلتني أتنازل عن الجنسية هي رسالة لسلطات التي تمارس إجراءات تعسفية وتضيق الحكومة الخناق على مزدوجين الجنسية والتفرقة بين المواطنين وقال انا منزعج من الوضع الحاصل في الكويت وتفتيت المجتمع وتقسيمة إلى فئات وقال المريخي أيضاً أنا حصلت على الجنسية الكويتية قبل 7 سنوات وقال الكويت دولة حديثة وعمرها ليس مليون سنه ومن المؤكد أن الكثير سيتوافد لها من جميع الدول المجاوره وهم من المؤكد مخلصين للبلد والإخلاص ليس بالهوية بل بالولاء الصادق ،وبخصوص الجنسية السعودية نعتز بانتصاراتها وكرمها والجنسية السعوديه لا تسقط بعكس الجنسية الكويتية معتبرينها صك غفران وهناك كلام كثير لا استطيع أن أقوله احتراماً للشيخ احمد الفهد الصباح .
تصريح خالد المريخي وتوضيح سبب تنازلة عن الجنسية الكويتية (في الـ يوتيوب)
لعنبو من لامك يالمريخي والله ذلو العالم على هالجنسيه
يموت الواحد ولا طلع له بيت المعيشه نار والمعاشات على اقساط والبنوك سارقه العالم
احمدو ربكم ان جوكم من شبه الجزيره العربية ناس واستوطنو عندكم خلوكم تهتمون في الشعر واعلوم الكرم والمرجله والطيب
ولا الباقي كلن مقفل بابه ولا احد يدري في احد
بخل شديد والرسول صلى الله عليه وسلم يقول اللهم إني أعوذ بك من العجز والكسل والجبن والهرم والبخل ، وأعوذ بك من عذاب القبر ومن فتنة المحيا والممات
راح ارد على اصحاب الرافضين للكلام الي قاله المريخي :
اخوي كلامك صح لما المريخي يغلط على الكويت ... بس مو معناته ان المريخي يسترزق بين البلدين ... معروف بالعالم ان التعدد بالجناسي شي مشروع بالعالم كله باستثناء جم دولة تنعد على الاصابع منهم الكويت ... يعني انا عندي كويتية واذا ايتلي البريطانية شي طبيعي راح اخذ البريطانية يكفي اسمها بريطانية ... هل اقول عن نفسي مسترزق ... انت لو تييلك الامريكية وتقدر ادش دول العالم كلها بدون فيزا ... معقولة راح اطوفها ... طبعا لا ... اصحاب معالي عندنا بالكويت ما هدووها تبيني انا وانت نهد الامريكية ... لكن من بعد ما شاف المريخي الوضع الي يفشل وما ينقال والتعرض بالذمم .. قال لايبة اهد الكويتية وارد ديرتي احسنلي ... بس بقولك شي لا تصير نفس الجويهل لما اطيح الفاس بالراس وساعتها الحكومة الي مهمتها ادير المشاكل وتشوف مشاكل المواطنين والمقيمين تروح عند الفقير المسكين ونقط مشاكل الدنيا كلها على راس المزدوجين ... مو مشكلة المزدوج ياكل من خير البلدين ... وممكن يكون منافق ... بس بسألك سؤال ... منو الي جنس المزدوجين ... منو الي عطه الجنسية حق المريخي وكلنا ندري ان سعودي ... ليش لما نتكلم عن المزدوج عقلنا يروح على طول على ابناء القبايل ... ليش ما نتكلم عن المزدوجين الي عندهم امريكية وبريطانية ... مو الدستور يمنع الازدواجية ...عيل هذي مصيبة ثانية ... يعني يا تشيل قانون منع الازدواج او اطبقه عدل بكل ضمير ... ليش ما تنتقد الحكومة لما تمنع الازدواجية وبعد التحرير تعطي رئيس امريكا جورج بوش الجنسية الكويتية بالتأسيس ... ليش الحكومة اجنس المنافق واخر شي لما الكل يفلس يهينون ديرتنا نفس المريخي ... نفس ما انت تقول ... ترى بعض البدون يستاهلون الجنسية ... وشي ماكو احد يختلف عليه غير الحاقد على البدون لانهم في منهم الاسير والشهيد ... لكن يا حكومة ليش ما جنستيهم من اول ... ليش ما عطيتيهم الجنسية قبل 20 سنة وريحتي نفسج ... لما كان عددهم قليل ... ليش طنشتيهم لغاية ما زاد العدد فوق الـ100 الف وخليتي الي يستاهل غارق بين العشرات الالاف من البدون الي ما يستاهلون ... لغاية ما خليتي الجويهل وغير الجويهل يشوف الاغلبية فيهم ويقول هذيله البدون ما يستاهلون اصولهم غير كويتية ... ترى لما المريخي يقول اي كلمة بحق الكويت ... ترى مالي شغل فيه ... بالطقاق يقول الي يقوله ... اعضاء مجلس امة ووزراء ونقاد سياسيين يسبون بعض سب غير طبيعي بالتلفزيون ولما جويهل يقول " احط ريلي ببلاعيمك " ... ما قلت هذيلة بهالاسلوب قاعدين يهينون ديرتنا ... الجنسية الكويتية تشرف الكل .. لكن من بعد حكومتنا الرشيدة وقناة سكوب والسور ونبيل الفضل وجويهل والكلام الي يطلع منهم ودول الخليج تشوف فضائياتنا ... بذمتك اقدر اقول انا كويتي وانا مفتخر ... يعني من اليوم الدول الثانية تعطي شعبها الي الكويت ما تعطيه لنا ككويتيين ... السعودية والامارات وقطر تعطي شعبها المنافسة بين دول العالم بالاقتصاد والاستثمارات ... رئيس امريكا ينحني لما يشوف السعودية جدامه ... واذا تبي تقولي الكويت تعطينا المعاش الاعلى بالخليج ... عيل شلون الشعب كل شوي طالع بالتلفزيون ويقول احنا محتاجين فلوس وطاقنا الحفة ... عيل شلون الكويت مو مقصرة معانا ؟! ... عيل المريخي من حقه يهد الكويتية ويروح السعودية ... ترى الفلوس والمعاشات مو كل شي ترى ... اهم شي الكرامة والمعزة والثقة بين الحكومة والشعب
خلاصة كلامي : لا نروح عند المزدوج والبدون والصعيدي المقيم ... روحي عند الاساس روحي عند المربي راس البيت ... ليش خله الوضع اول شي متروك لحاله ... لغاية ما كبر الموضوع وخله المريخي الي جنسته الحكومة يتعدى علينا
السلام عليكم أولا ليش مكبرين الموضوع حرتكم بس بخالد يوم عندكم كرامة ليش معاقبتم المرأة اللي داست على علم الكويت يعني أهانة الكويت علني وا سألكم باللةه قارنوا جنبين تصرف خالد وتصرف المرأة وبعدين صدقوني يا جماعة في السالفة شي خالد المريخي يحب الكويت وفجأة تنازل عن الجنسية لا والغريب في الموضوع على الهواء مباشرة أكيد فيه شي وأخيرا لاتتعجل في لومك صاحبا لعل له عذراً وأنت تلوم
خالد المريخي يتنازل عن الجنسية الكويتية
بواسطة: 
