رسالة الشر جتنا مع جناح الغراب

[العمـلاق]

خطط على ماتبي ورسم عيون الذياب=والبنــدقيـه مـن الحـبـه ونيشانـها
لاجيت اباصك باب انفك عشرين باب=ماعاد ندري عن الديره وشيبانها

[عبدالله مشبب المقاطي]

صحت السنتكم
ابداع

[رجا بن فهيد]

بيني وبينك رموزٍ مبهمه في كتاب = تصعب على مدرسة جده وورعانها
ومال الحمول الثقال إلا عزيز الجناب = وفـ البحر مال السفينه غير ربانها

الختام عندك ياعلي وبيض الله وجهك وصح لسانك .

[العمـلاق]

الصدق محمـود عكس الغش ولا الكذاب=وهل الـرسايل تعنونها بعنوانها
من لاوقف في لزومه خاب ضنه وخاب=حنا هل الاوله في وسط ميدانها

صح بدنك ووجهك ابيض...تحياتي

[موفق]

صحت السنتكم

وبيض الله اوجيهكم

طروق جميل وفيه مايكفيه من وزن