الموت سنه والمذلة فضيحة.. فلاح القرقاح و عبدالعزيز الخياري طاروق ابداااع

[النمر]

[size="6"]فلاح القرقاح

ياشبل عبس اقرب ترى الدرب قدام=نبغى نوصلك الدروب الصحيحه
اللي يدور للمراجل ماينلام=الخير واجد وارض ربي فسيحه

عبدالعزيزالخياري

انا مع اللي لامشى الدرب مقدام=سجيت رجلي والفعايل صريحه
للمرجله تاجً وللطيّب احزام=وانا احمد الله مايديه شحيحه

فلاح القرقاح

ابوك اعرفه والله وسبعة انعام=مثل الجبل صفق الهواء مايزيحه
مير انت لاهالحين رقمً من ارقام=والرقم لازم له جهاز وشريحه

عبدالعزيزالخياري

ابشر بشبله جاي لك لابس وسام=سمّ العداء واهل القلوب الكسيحه
ياشيخ منكم ودنا نسمع احكام=وانا اخبرك عندك من الشيح ريحه

فلاح القرقاح

لولا الشجاعه كان مامات صدام= واللي يموت يموت والله يبيحه
اقول ياعبس اسمعوا هالنبا الهام= شيلوا ولدكم واذبحوا له ذبيحه

عبدالعزيزالخياري

صدام مجرم مانفعه كثر الاجرام=والموت سنّه والمذله فضيحه
ياعبس شاعركم محنّك وضرغام=ضاق المطوّع وابتلش في فحيحه

فلاح القرقاح

توّك على سود الليالي والايام =الناس كان يشترون النصيحه
ان قام قالوا جمّل الله من قام=وان طاح محدن قوّمه من مطيحه

عبدالعزيزالخياري

ياشيخ حج البيت والبس لك احرام=خل الولد يمسك ديوس المنيحه
يقول شاعر عبس قدام الايام=حنا مقابيس الوغا يامليحه

[موفق]

لاهنت على الاختيار

وصحت السنت الشعراء

بس فيه شطر يبي تعديل

الناس كان يشتـرون النصيحـه )) اعتقد كانوا

ودمت سالم

[دباس الزيادي]

الله يعطيكم العاااااااااااااااااااافي ه

ومشكورين على المحاوره الجميله

وتمنياتنا التوفيـــــــــــــــــــ ـــــــــق